கவிச்சூரியன் ஐக்கூ மின்னிதழ் – 32 ல் வெளியான ஐக்கூ கவிதைகள் .

கவிச்சூரியன் ஐக்கூ மின்னிதழ்  – 32  ல் வெளியான ஐக்கூ கவிதைகள் .

வான்கோ தோட்டத்து மலர்கள்

வர்ணமிழந்தன

தூரிகைக்கு தானம் கொடுத்து .

மழை அழித்தது

தெருவோர ஓவியத்தை

வரைந்தவனின் அன்றைய தினத்தையும் .

குடையைப் பழுது பார்ப்பவர்

விரிக்காத குடைகளுடன்

நனைகிறார் வெயிலில் .

பூச்சிகளின் ஆயுளை

நிர்ணயிக்கின்றது

பல்லி நாக்கின் நீளம் .

போட்டி போட்டன

கடை பொம்மைகள்

பேத்திக்கு பரிசாவதற்கு .

[ கவிச்சூரியன் ஐக்கூ மின்னிதழ்  – 32   ]

பொதிகைச் சாரல் ஜனவரி 2015 இதழில் இரண்டு ஹைக்கூக்கள்

பொதிகைச் சாரல் ஜனவரி 2015 இதழில் இரண்டு ஹைக்கூக்கள்

---------------------------------------------------------------

அன்னதானம்

அலைமோதும் கூட்டம்

பாட்டியின் மாக்கோலம் .

கடித்துவிட்டது

பணப்பையை

தொலைந்த செருப்பு .

[ பொதிகைச் சாரல் ஜனவரி 2015 ]

தொட்டி மீன்கள் .

தொட்டி மீன்கள் .

சற்றே உப்புக்குறைவு

சலித்துக் கொண்டன

தொட்டி மீன்கள் 

.

கடல் வற்றிவிட்டது

கவலைப்பட்டன

கண்ணாடிக்குள் மீன்கள் .

கடலுக்குள் திரியும் மீன்கள்

கண்டதில்லை

கண்ணாடிக் கூண்டுகளை .

[ முகநூல் பதிவுகள் ]

கவிச்சூரியன் ஐக்கூ மின் இதழ் 28 [ நவம்பர் 16 - 30 , 2014 ] - இதழில் வெளிவந்த எனது ஹைக்கூ கவிதைகள் .

கவிச்சூரியன் ஐக்கூ மின் இதழ் 28 [ நவம்பர் 16 - 30 , 2014 ] - இதழில் 

வெளிவந்த எனது ஹைக்கூ கவிதைகள் .

தேசீய ஒருமைப் பாட்டு தினம்

மொழி வேறுதான்

இனம் வேறுதான்

மனம் ஒன்றுதானே ?

இனத்தை மறந்து விடு

மொழியைத் துறந்து விடு

உணர்வால் ஒன்று படு .

உயிரற்ற சாலைகள் கூட

இணைந்தேயிருக்கின்றன

மனிதர்களுக்குப் பாடமாய் .

கலைவாணர் பிறந்த தினம் .

கலைவானில் பறந்தார்

கருணையால் உயர்ந்தார்

மனதில் நிற்கிறார் என்.எஸ்.கே .

மறைந்தார் கலைவாணர்

மறையாத சிந்தனைகளால்

நிலைத்து நிற்கிறார் .

மாட்சுவோ பாஷோ நினைவு தினம் .

மூவடி படிமங்கள்

வெளிச்சமாய் இன்றும்

பாஷோ ஏற்றிய தீபங்கள் .

கொஞ்சம் ஹைக்கூ ....

                         கொஞ்சம் ஹைக்கூ ....

வெட்டப் படுகின்றன குளங்கள்

நிரப்பப் படுகின்றன

சிலரின் பணப்பைகள் .

தீராப்பசி தீர்ந்து விட்டது

இதர செலவுக்கும் பணம்

நாளை தேர்தல் .

பாற்கடல் கடையப் பட்டது

பாத்திரம் மாறிப் போனது

விஷமாயிற்று அமிர்தம் .

விடிய விடிய மழை

பாப்பாவுக்கு கவலை

கப்பலுக்கு காகிதம் இல்லை .

கறுப்பு வெள்ளை

கட்டங்கள் அதேதான்

ஆட்டம்தான் வேறு .

நட்டது வாழை

பழுத்தது பலா

மண் மாறியதால் .

கொஞ்சம் ஹைக்கூ ....

கொஞ்சம் ஹைக்கூ ....

மழை இருந்தது

விளைநிலம் இருந்தது

வயிறு மட்டும் இருக்கின்றது .

பெரிதாகிறது வீடு

அதிகமாகிறது வெற்றிடம்

வீட்டிலும் மனதிலும் .

தெருவெங்கும் பிளாஸ்டிக்

சுற்றுச் சூழலுக்குக் கேடு

இன்றைய பசி தீர்ந்தது .

கீதை பைபிள் குரான்

எல்லாமே ஒன்றுதான்

பழைய பேப்பர் வியாபாரி .

தடங்கள் அதேதான்

கழிந்தன வருடங்கள்

பாதங்கள் மட்டும் வேறு .

கீதை பைபிள் குரான்

எல்லாமே ஒன்றுதான்

பழைய பேப்பர் வியாபாரி .

உலக சைவ உணவாளர்கள் தினம் .கவிச்சூரியன் ஐக்கூ மின் இதழ்

உலக சைவ உணவாளர்கள் தினம் .

உண்பது உயிர் வாழ

உண்போம் சைவம்

இன்னொரு உயிரும் வாழ .

இருப்பது ஆறறிவு

பசிதீர மட்டும்

ஐந்தறிவா ?

கவிச்சூரியன் ஐக்கூ மின் இதழ் 27 [ நவம்பர் 1 - 15 , 2014 ]

கவிச்சூரியன் ஐக்கூ மின் இதழ் 27 [ நவம்பர் 1 - 15 , 2014 ]

வளர்ப்போம்

வியத்தகு நகரங்களை

கூடவே மானுடத்தையும் .

நகரங்கள் விரிகின்றன

சுருங்குகிறது

மனித மனம் .

கவிச்சூரியன் ஐக்கூ மின் இதழ் 27 [ நவம்பர் 1 - 15 , 2014 ]

இந்திய குழந்தைகள் தினம் . ஹைக்கூ .

இந்திய குழந்தைகள் தினம்

இலவசம்

உணவல்ல கல்வி

குழந்தையின் ஏக்கம் .

ஒவ்வொரு குச்சியிலும்

எரிகின்றது

ஒரு குழந்தையின் எதிர்காலம் .

கவிச்சூரியன் ஐக்கூ மின் இதழ் 27 [ நவம்பர் 1 - 15 , 2014 ]

பொதிகைச்சாரலில் எனது ஹைக்கூ - மனவனம் .

மன ( வனம் )

சிங்கம் புலியுண்டு

நரிகளுக்கு இடமில்லை

மனதில் வனம் .

[ பொதிகைச் சாரல் – நவம்பர் 2014 ]

கவிச்சூரியனில் கவிதை மூன்று

காலனுக்கும் ஆசை

கவியரசரின்

கவிதை கேட்க .

உலகில் உள்ளோர்

அனைவருக்கும் உணவு

அதுவே நம் கனவு .

வாழ்க்கையிலும் தேவை

வார்த்தைகளிலும் தேவை

சிக்கனம் .

கவிச்சூரியன் ஐக்கூ மின் இதழ் 26 [ அக்டோபர் 16 - 31 , 2014 ]

எல்லோருக்கும் ஆசை

அக்டோபர் 2 .

[ கவிச்சூரியன் ஐக்கூ மின் இதழ் செப்டம்பர் 16 – 30 / 2014  ]

அருவி / அக்டோபர் – டிசம்பர் 2013 / ஆண்டு மலரில் வெளியான ஹைக்கூ கவிதைகள் . 

கல் எறியப்பட்டது

காய்ந்த குளத்தில்

இரையானது தவளை .

வானத்தில் மீன்கள்

குளத்தில் நட்சத்திரங்கள்

இடமாற்றம் மனதில் .

கழிந்து போன கணங்கள்

அத்தனையும்

காகிதங்களோடு தான் .

ஐந்தோடு முடிந்தது

கண்களில் நட்சத்திரம்

மூச்செங்கும் கந்தகம் .

ஏறுவது கடினம்

இறங்குவது சுலபம்

நின்றது அடிவாரத்தில் .

[ அருவி / அக்டோபர் – டிசம்பர் 2013 / ஆண்டு மலர் ]

அருவி இதழ் 20 ஹைக்கூ சிறப்பிதழில் வெளியானவை .

நிறைய பொம்மைகள்

நிறைய தின்பண்டங்கள்

நிற்பது அம்மாவின் முத்தம்தான் .

எப்போதும் படபடப்பு

சன்னலருகில்

வண்ணத்துப்பூச்சி .

தொலைவில் இடி

பார்வையில் மின்னல்

காலடியில் ஈரம் .

காற்று இருக்கிறது

தூற்றிக் கொண்டிருக்கிறார்கள்

அடுத்தவர்கள் தானியத்தை .

வழியெங்கும் பூக்கள்

விதவையின்

இறுதி ஊர்வலம் .

நிலம் கரைந்து

பகை மறந்து விட்டது

வழக்கு முடியவில்லை .

[ அருவி இதழ் 20 ஜனவரி – மார்ச் 2014 ]