சற்றே ....

வழியும் வியர்வை துடைத்து 
வரிசையில் நில்
அடுத்தவன் மூச்சை சுவாசித்து 
தலைவனின் படம் பார்
மைக்கேல்ஜாக்சன் அலறல்களுக்கு 
கை கால் உதறு
பச்சை சுரிதாரை பார்வையில் நிறுத்து
தவறென்று தெரிந்தும் 
மனதால் பிறன் மனை விழை
ஸ்டாரும் ,  சன்னும்
இன்னும் பலவும் 
இடை விடாது ரசி
வேலைக்காக அலைந்து திரி
வெறுப்பில் கல்லெறி .
பாட்டிலைத் திறந்து குடி
மேடைப் பேச்சுகளில் வாய் பிளந்து 
கை தட்டு
யாருக்கேனும் வாக்களி
அன்புக்குரிய தலைவனின் 
பிறந்த நாளுக்கு சுவரொட்டி ஒட்டு
பிடிக்காதவன் முகத்தில் சாணியடி
எல்லாமும் செய் 
என் தலைமுறையே !
அத்தோடு 
சக மனிதனை நேசிக்கவும் 
கற்றுக் கொள் 
சற்றே ....

[ இனிய உதயம் ஆகஸ்ட் 2014 ]