வீழ்ந்த நட்சத்திரம் .

வீழ்ந்த நட்சத்திரம் .

இரவுகள் விழித்துக் கொண்ட

ஒரு பகல் நேரத்தில்

நெடிய மரங்களின் கூரிய நகங்கள்

தரையைக் கிளறி

கண்டெடுத்த புதையலில்

தொலைந்து போன கனவுகள்

சிதறிக் கிடந்தன .

பகல் இரவைத் தன்னோடு

இணைத்துக் கொண்டு

ஆடிய நடனத்தால்

நட்சத்திரங்கள் எரிந்து

கீழே விழத் தொடங்கின .

பாதி வழியில் சப்தங்கள்

கரைந்து போனதினால்

வெளிச்சம் காணாமல் போக

எஞ்சியிருந்த கனவுகளும்

கலைந்து போயின .

[ புதுப்புனல் செப்டம்பர் 2014 ]