கணிப்பு -

கணிப்பு .

அவர்கள் இவர்களுக்குள் .

இவர்கள் அவர்களுக்குள் .

தெரிந்தும் தேடிக்

கொண்டேதான் இருக்கிறார்கள் .

இவர்கள் அவர்களையும் .

அவர்கள் இவர்களையும் .

சுயமாக அமைத்துக் கொண்ட

சுவர்களுக்குள் ஒளிந்திருக்கும்

இருட்டில் தேடுவதால்

இது வரை

அவர்களால் இவர்களையும்

இவர்களால் அவர்களையும்

கண்டு கொள்ளவே இயல வில்லை .

எனினும்

தொடர்ந்து கொண்டேதான்

இருக்கிறது தேடல் .

சுவர்களில் துளை போட்டு

உருவாகும் வெளிச்சத்தில்

அவர்கள் இவர்களையும்

இவர்கள் அவர்களையும்

கண்டு கொண்டு

ஒன்றாக ஆகிப் போகலாம் ;

அல்லது

அவர்கள் இவர்களாகவும்

இவர்கள் அவர்களாகவும்

மாறியும் போகலாம் .

எல்லாமே ஒரு கணிப்புதான் .

[ மலைகள் இணைய இதழ்  - 63 ஆவது இதழ் – டிசம்பர் 2 , 2014 ]

நன்றி : மலைகள் இணைய இதழ்